Биыл қазақтың ұлы ақыны Абай Құнанбайұлының туғанына 180 жыл. Осыған орай Түркістан облыстық «Фараб» кітапханасы «Абаймен ойлан, Абаймен толған» атты онкүндік басталды. Аталған шара – Хакімнің рухани мұрасын кеңінен насихаттап, қара сөздері мен поэзиясы арқылы жастардың рухани-адамгершілік қасиеттерін дамытуға және әдеби-көркем ойлауын қалыптастыруға бағытталған. Онкүндіктің ашылу салтанатында Абайдың әуезді әндері шырқалып, өлеңі мен қара сөздері оқылды. Ұйымдастырушылар бұл бастама аясында алдағы күндері түрлі іс шаралар өтетінін жеткізді.
.webp)
