Қазақстанда 257,5 млрд цифрлық теңге айналымға шығарылды. Бұл туралы Үкіметте өткен жиында Ұлттық банк төрағасы Тимур Сүлейменов мәлімдеді. Айтуынша, платформа қазір тәжірибелік-өнеркәсіптік пайдалану кезеңінде, алдағы желтоқсан айында оны толыққанды іске қосу жоспарланып отыр. Ал Премьер-министр Олжас Бектенов жақын арада Ұлттық қор мен бюджет есебінен қаржыландырылатын кемінде 100 ірі жобаны «цифрлық теңге» форматына ауыстыруды тапсырды.
