Түркістандағы қонақ үйлер мен мейрамхана басшылары бас қосты. Облыс әкімінің бірінші орынбасары Зұлпыхар Жолдасовтың қатысуымен өткен жиында қаладағы орналастыру орындарының мәселелері талқыланды. Сондай -ақ, туристік нысандардың әлеуетін арттыру жолдары да қаралды. Қазіргі таңда Түркістанға келетін туристердің саны артқан. Соған байланысты қызмет көрсету сапасы жоғары болуы тиіс. Мәселен, биыл шаһарға шет елден 18600-ден астам қонақ келген. Бұл былтырғы көрсеткішпен салыстырғанда 2 есеге көп. Сондай ақ, осы жылы туризм саласы бойынша облыс аумағында жалпы соммасы 49 млрд. теңгені құрайтын 47 туристік инвестициялық жобаны жүзеге асыру жоспарланған.
.webp)
