Жамбыл мен Түркістан облыстарында шегірткеге қарсы 348 мың гектардан астам аумақ өңделді. Бұл туралы ауыл шаруашылығы министрлігі хабарлады. Бұл өңірдерде 907 мыңнан аса гектар жерге зерттеу жүргізіліп, оның ішінде 7 дрон пайдаланылды. Зиянкестер қоныстанған аумақ көлемі 456 мың гектарды құрап, оның 354 мың гектары экономикалық зияндылық шегінен асты. Қазіргі таңда 348 мың гектар жер өңделді: Жамбыл облысында — 14 мың, Түркістан облысында — 335 мың гектар. Күрес шараларын тиімді жүргізу үшін 207 жер үсті бүріккіш техника, бес ұшақ, сегіз дрон және 1 000-нан астам маман жұмылдырылған. Биыл шегіртке 2,1 миллион гектар аумаққа таралуы мүмкін деп болжанып отыр.
