Мемлекет басшысы жұмыс сапарымен Маңғыстау облысына барды. Қасым Жомарт Тоқаев бірнеше маңызды нысандарға барып, іске асып жатқан тың жобалармен танысты. Президентке өңірдегі көлік-логистика инфрақұрылымын дамыту перспективасы, соның ішінде еліміздің транзиттік әлеуетін кеңейту жөнінде баяндалды. Мемлекет басшысы Кендірлі курорты аумағындағы әуежай құрылысын тезірек аяқтауды тапсырды. Президенттің айтуынша, Қазақстанды Еуразияның көлік-логистика хабына айналдыру жолында Маңғыстаудың алатын орны ерекше. Сондықтан оның әлеуетін тиімді пайдалану қажет. Өйткені бұл міндеттің стратегиялық маңызы зор.
.webp)
