Түркістан облысының Отырар ауданында көктемгі егіс жұмыстарына жер жырту барысында адам сүйектері табылды. Шаруалардың айтуынша, дайындық жұмыстарын жүргізу кезінде жер бедері біркелкі тегіс болған. Сондай-ақ, қорым немесе адам жерленгені туралы ешқандай да белгі орнатылмапты. Аталған жайттың анық-қанығын білу үшін аудан әкімдігі жанынан жұмысшы топ құрылып, бүгінде аталған орыннан табылған адам сүйектері мұсылмандық рәсіммен қайта жерленіп, белгі қойылған. Оған қоса аумақ толықтай қоршалды.
.webp)
