Құмар ойынына шектеу қойған заң, ойынқұмар азаматтарға кедергі болмай тұр. Елімізде мұндай 3,5 млн нан астам қазақстандық бар. Оларға борышкерлердің бірыңғай тізіміндегілер, өз-өзін ойыннан шектегендер кіреді. Десе де олар әлі күнге дейін құмар ойын ойнап жүр. Бұл туралы бүгінгі мәжілістің жалпы отырысында депутат Нартай Аралбайұлы айтты. 9-қыркүйектен бастап Ойын бизнесіне қатысты заң жобасы күшіне енгенімен оның солқылдақ тұсын пайдаланып жүргендер көп. Депутат заңды қатаңдатуды сұрап үкімет басшысы Олжас Бектеновке сауал жолдады.
.webp)
