Түлектер бас қосты. Түркістандағы Қожа Ахмет Ясауи атындағы қазақ-түрік университетінде «Терең тарихтан – жарқын болашаққа!» атты ІІ Түлектер форумы өтті. Айтулы жиынға бір кездері білім ордасынан білім алып кеткен түлектер мен ардагер ұстаздар және зиялы қауым өкілдері қатысты. Олардың алды бүгінде Түркия, Қырғызстан, Өзбекстанда, берісі Қазақстанның түкпір-түкпірінде әр салада қызмет етуде.
