Биыл елімізде су тасқынынан 254 елдімекен зардап шекті. Салдарынан 18 мыңға жуық аса тұрғын үйге зақым келген. Жүргізілген техникалық тексеріс 9 мыңнан астам тұрғын үйге жөңдеу жұмыстары қажет екені, тағы 8457 баспананы мүлде қалпына келтіруге болмайтыны анықталған. Үйлері қирандыға айналған азаматтарға нарықтан 5767 үй мен пәтер беріліпті. Тағы 3 мың азаматқа қауіпсіз жерден жеке тұрғын үйлер салынды. Бұл туралы Үкімет отырысында айтылып, су тасқыны салдарын жою және алдын алу мәселесі жан-жақты сараланды.
.webp)
