Түркістан облысында үздік деп танылған 30 адам өңірлік кадр резервіне қабылданды. Олар мемлекеттік қызмет пен квазисекторларда жұмыс істей алады. Резервтен өткендердің қатарына 3 жыл еңбек өтілі бар жұмыссыз азаматтар да іліккен. Жобаның негізгі мақсаты - өңірлерді дамытуға талантты жастарды тарту. Бағын сынауға республика бойынша 11 мыңнан аса адам өтініш қалдырса, Түркістан облысында 634 үміткер құжат тапсырған. Олар 5 кезең бойынша іріктеуден өткен. Жалпы өңірлік резервте болу мерзімі - 2 жыл. Айта кету керек, іріктеуді Мемлекеттік қызмет істері агенттігінің бастамасымен аумақтық департамент облыстық әкімдікпен бірлесіп өткізді.
.webp)
