Түркістан облысының Бәйдібек ауданында тәуелсіздік жылдарынан бергі ең алғашқы су қоймасы салынып жатыр. Құрылысы бітсе, Бөген өзенінің төменгі ағысында орналасқан ауылдар жазда судан тапшылық көрмейді. Осылайша егістік көлемі де ұлғаймақ. Айта кету керек, Қаратау бауырынан басталатын өзен бойындағы нысан еліміздегі су қауіпсіздігін қамтамасыз ету мақсатында салынатын 20 су қойманың алғашқысы. Бүгін құрылыс басында облыс әкімі Дархан Сатыбалды болып, жоба жетекшілерімен тілдесті. Толығырақ Ақдариға Мұхаддас жалғастырады.
.webp)
