Түркістан облысының тұрғындары телефонға телміріп, интернет іздеп қыр басына шығып кетпейді. Себебі облыс халқының 92,2% ғаламдық желіге қосылған. Бұл ресми деректер. Көрсеткіш жоғары болғанымен, көңіл көншітпей отырған мәселелер де бар. Себебі мобильді интернет сапасы кей ауылдарда 2G-мен шектелсе, кейбірінде тіптен байланыс жоқ. Осы орайда елімізге танымал Кселл мен Билайн операторлары жүзден аса жаңа базалық станция орнатып, жұртты жарылқамақ. Бұл туралы облыс әкімінің қатысуымен өткен жиында айтылды.
.webp)
