Жамбыл облысында да дүлей дауыл тұрып, қаланың астаң-кестеңін шығарды. Жойқын желден облыс орталығында жарық сөніп, талдар құлап, көшеде жүру қауіпке айналған. Сондай-ақ қатты жел көпқабатты тұрғын үйлердің шатырларын ұшырып, ағаштар құлап, көліктер бүлінді. Әлеуметтік желіге тараған видеода тіпті желдің екпінінен Газель көлігінің аударылып қалғанын көруге болады.
Одан бөлек алыс-жақын маңдағы аудандарға қатынайтын жолдар жабылған. Бүгін Шымкентте де бұрқасын салдарынан 20-дан астам шағын аудан жарықсыз отыр. Коммуналдық мекеме күшейтілген режимге ауысты. Ал қала мектептерінде екінші ауысымның оқушылары онлайн форматқа көшірілді.
.webp)
