Топан судың кесірінен Атырау облысындағы Сарыөзек арнасының бойындағы шаруалар қауіпсіз аймаққа көшіріліп жатыр. Қазір Бестал ауылына тасқын қаупі төніп, шаруалар жайлаудан малын айдап әкетті. Ал, Соколок арнасының бөгеттерін құтқарушылар күні-түні нығайтып жатыр. Айта кетейік, бұл арна Атырау қаласының басты қорғаныс құрылымы. Жағаны 30-ға жуық арнайы техникамен 100-ге жуық азамат тәулік бойы бекітіп жатыр. Қазіргі таңда Жайықтың суы аудандарда төмендеп, Атырау қаласында көтерілгені байқалады.
.webp)
