Бұдан былай жерге қатысты мәселе туындаса, сотқа арыз жазып әуре болмайсыз. Жер кодексі заңының бірнеше тармақтарына өзгеріс енгізілді. Әуре сарсаңнан арылуға осы өзгеріс сеп болмақ. Жалпы, аталған мәселеге қатысты шағым көбіне Түркістан қаласында тіркелген. Сондай ақ, Сауран, Сарыағаш ауданы халқы үшін де жер тақырыбы түйіткілдер қатарына енген. Облыс бойынша осы 3 аймақта сотқа көп шағым жолданады екен. Бұл өз кезегінде халық санымен тығыз байланысты.
