Түркістандық құтқарушылар тасқын болған аймақтардан тұрақты орналасу бекеттеріне оралды. Облыстық төтенше жағдайлар департаментінің 150 қызметкері Солтүстік Қазақстан мен Батыс Қазақстан облыстарына көмекке барған еді. Олар қызыл суға кеткен елді-мекен тұрғындарын эвакуациялау жұмыстарына қатысып, тасқынға тосқауыл қоюға елеулі үлес қосты. Елге аман-есен жеткен төтеншеліктерді әріптестері мен туыс-туғандары қарсы алып, ел қорғандарына тиісті құрмет көрсетілді.
.webp)
