Көктем шыға су арнасы бойын жағалай қоныстанған халықтан маза кетеді. Себебі қыс бойы ұйқыда жатқан шіркейлер оянып, адам түгілі үй жануарларының тіршілігіне зиян келтіреді. Әсіресе үлкен өзен-көл маңындағы халық зардап шегіп отыр. Сондықтан былтыр сәуірде бірақ басталған дезинсекция жұмыстарына жауапты мамандар биыл ертерек кірісіпті. Одан нәтиже қандай болмақ? Сюжетті көрейік!
Зиянкестердің соңғы 5 жылда өзен-көл маңында көбейіп кетуін шіркейге таланған халық негізінен «Көксарай» су қоймасының салынғанымен байланыстырады. Алайда, ғалымдар мәселенің тек су реттегіште емес екенін айтуда. Себебі Сырдария өзені бойында шіркейдің 8 түрі бұрыннан болған. Алайда, олардың белсенділігі соңғы жылдары байқала бастапты. Бұл туралы салада зерттеу жүргізетін еліміздегі жалғыз маман Қаршыға Көшкімбаев айтады.
.webp)
