Түркістан облысы «Жайлы мектеп» жобасын үйлестіруде республикада көш бастап тұр. Жоба аясында өңірде 63 мектеп салу көзделсе, оның 29-ы биыл тапсырылады. Ал Сарыағаш ауданында ұлттық жоба аясында 4 білім ұясының құрылысы жүріп жатыр. Солардың біріне облыс әкімі Дархан Сатыбалды арнайы барды. 300 орындық мектептің құрылысы былтыр басталған. Биыл ел игілігіне тапсырылады. Облыс әкімі Мемлекет басшысы Қасым-Жомарт Тоқаевтың тікелей бастамасымен қолға алынған жобаны өте сапалы атқару маңызды екенін айтты. Аудан әкімі, Білім басқармасының басшысы мен мердігерге жұмысты уақтылы әрі сапалы атқаруды тапсырды.
.webp)
