Түркістан облысында қасқыр мен шибөрі малшылардың мазасын қашырып отыр. Топтасқан жыртқыштар Отырар ауданындағы елді мекендердің жайылымда жүрген төрт түлігіне шапқан. Сырдария өзенінің жағасынан күн сайын малдың өлексесін тауып алып жатырмыз, - деген ауыл тұрғындары жергілікті биліктен көмек сұрап отыр. Малшылар түз тағылары жылқылар мен ірі қараларға ауыз сала бастағанын және оларды өздігінше ата алмай отырғандығын айтады. Себебі олардың жүретін аумағы «Сырдария – Түркістан» ұлттық паркіне қарайды екен. Ал онда оқ атуға болмайды. Қазір ауданда осы жағдайға байланысты арнайы штаб құрылып, жыртқыштарды атуға рұқсат алу мәселесі қарастырыла бастаған.
.webp)
