Қостанай облысында қарлы боран кезінде жоғалып кеткен әйел мен оның 11 жасар немересінің денелері табылды. Әйел мен қыз Степной ауылынан тас жолға қарай шығып, жолай көлікпен Тобыл қаласына дейін жетпек болған екен. Оларды полиция, құтқарушылар, еріктілер іздестірген болатын. Сонымен қатар бүгін кинологтар да жұмылдырылған еді. Одан бөлек бұрқасын салдарынан Қостанай облысындағы 114 елдімекен жарықсыз қалды. Өңірдегі электр орталықтарын қалпына келтіру жұмыстары жалғасуда. Бораннан тек облыс инфраструктурасы ғана емес қалааралық бағыттағы жолаушылар да зардап шеккен.
.webp)
