Қазақстанда екі мыңға жуық ауыл ауыз суға мұқтаж. Биыл солардың тек 368 ғана тіршілік нәрімен қамтылады. Әсіресе, Қостанай, Шығыс және Солтүстік Қазақстан, сондай-ақ Жамбыл облыстарындағы ауылдардың ауыз су мәселесі төмен деңгейде. Бұл туралы брифингте Құрылыс және тұрғын үй-коммуналдық шаруашылық істері комитетінің өкілдері хабарлады. Жалпы биыл сумен жабдықтау және су құбырларын жөндеуге 151 миллиард теңге бөлінсе, соның жартысын жуығы осы ауылды елді мекендерге бағытталған.
.webp)
