Қырғыз Республикасының президенті Садыр Жапаров өз үйін мұқтаждарға берді. Жапаровтың айтуынша, бұл үйді оның отбасы 2005 жылы сатып алған, ал 2010 жылдары басқа жерге көшіп кеткен. Сол уақыттан бастап бүгінге дейін үй мектепке дейінгі балалар мекемесі ретінде жұмыс істеген. Садыр Жапаров баспананың құжаттары мен кілтін мемлекеттік ипотекалық компанияның балансына өзі тапсырған. Президенттің сөзінше, ипотекалық компания үйді аукционға шығара алады. Ал одан түскен ақшаға жеңілдікпен ипотекалық кредиттеу бағдарламасы аясында 10 отбасыны пәтермен қамтамасыз етуге болады екен.
.webp)
