Түркістан облысы Ордабасы ауданындағы 45 елдімекен таза ауыз сумен қамтамасыз етілген. Келер жылы тағы төрт ауылға тіршілік нәрін беру жоспарда. Бұл өз кезегінде тұрғындардың өлкеде жайлы өмір сүруіне сеп болмақ. Сондай-ақ тозығы жеткен су құбырлары да ауыстырылмақ. Ал таза су коммуналдық мемлекеттік мекемесінің қызметкерлері тәулік бойы бұзылған су құбырларын жөндеуге дайын екендіктерін айтады.
