Түркістанда білім-инновация лицейі ашылады. 700 оқушыға арналған білім ордасының құрылысы аяқталуға жақын. 500 балаға арналған жатақханасы да бар. Енді жаңа оқу жылынан бастап онда 7-11 сынып оқушылары білім алады. Ерекшелігі - мұнда ұлдар мен қыздар бөлек оқиды. Биылдың өзінде 2090 бала лицейде оқуға ниет білдірген. Оның 200-ден астамы мектепке қабылданды. Одан бөлек, бүгінге дейін Кентау қаласындағы лицейде оқыған ер балалар да осы ғимаратқа ауысады.
