Түркістан халқы Наурыз мейрамын тойлауды бастап кетті. Мерекелік шаралардың басым бөлігі "Керуен сарай" кешенінде өтіп жатыр. Түркістан облысының әкімі Дархан Сатыбалды "Қош келдің, әз Наурыз" атты мерекелік салтанатты іс-шарасына қатысып, халықты Ұлыстың ұлы күнімен құттықтады. "Наурыз - күн мен түннің теңеліп, табиғаттың жаңарар шағы, бүкіл елдің бірлігін арттыратын мереке", - деп атап өтті аймақ басшысы. Бүгін қала қонақтары мен тұрғындары ұлттық спорттық ойындарға қатысып, этноауылға саяхаттай алады. Сондай-ақ, қолөнер шеберлері мен суретшілердің көрмесін тамашалайды. Ұлттық тағамдардан дәм татып, мерекелік концертте түрлі өнерпаздардың өнеріне сусындайды. Таңертеңнен басталған мерекелік іс-шаралар қас қарайғанша жалғасады деп жоспарланып отыр.
.webp)
