2029 жылға қарай энергетиктердің алдында қуат көзін артығымен өндіру міндеті тұр. Ол үшін генерация қуаттарын арттыру мен электр желілерін дамыту және тұтыну көлемінің өсуін толық үйлестру қажет. Бұл туралы Премьер-министрі Олжас Бектенов электр энергетикасы саласының мамандарымен өткізген кеңесте айтты. Жиында «KEGOC» акционерлік қоғамының инвестициялық жобалары таныстырылды. Алдымен оңтүстік өңірдің энергетика жүйесін нығайту үшін Алматы – Жамбыл – Шымкент транзитінің өткізу қабілетін 440 Мегават-қа арттыру жоспары тұр. 2027 жылы аяқталатын жоба, оңтүстік аймақты сапалы электроэнергиямен қамтамасыз етеді. Тура осындай ірі жоба Батыс Қазақстанда да жүзеге асады. Бірақ, қуаты әлдеқайда жоғары, 500 Мегават. Сондай-ақ, Алматы мен Жетісу облысының электр желілерін дамыту жоспарлары да қаралды. Ал, «Самұрық-Энерго» компаниясы Мемлекет басшысының сын-ескертпелерінен кейін жұмысты күшейткенін мәлімдеді.
.webp)
