2026 жылғы 3 қарашада Түркістан облысының ауыл шаруашылығы басқармасының тапсырысы бойынша «Ауыл аманаты» жобасы аясында Сарыағаш қаласында ауыл шаруашылығы өндірістік кооперативтерін (АШӨК) дамыту және агросүйемелдеу қызметтерін көрсетуге арналған семинар-тренинг ұйымдастырылды.
Аталған іс-шара 2 қарашада Түркістан қаласында өткен семинар-тренингтің жалғасы ретінде ұйымдастырылып, өңірдегі ауыл шаруашылығы кооперативтерінің қызметін жетілдіру, өндірістік әлеуетін арттыру және кәсіби қолдау көрсету мәселелеріне арналды.
Семинар Сарыағаш қаласындағы өтті. Оған Келес, Шардара, Сарыағаш, Қазығұрт, Жетісай және Мақтаарал аудандарынан ауыл шаруашылығы өндірістік кооперативтерінің басшылары мен мүшелері қатысты.
Кооперативтерге кешенді агросүйемелдеу қызметтерін көрсету
Семинардың негізгі мақсаты - Түркістан облысының ауыл шаруашылығы басқармасының тапсырысы бойынша жүзеге асырылып жатқан агросүйемелдеу жұмыстарының негізгі бағыттарын таныстыру, кооперативтердің тұрақты дамуына қажетті кәсіби қолдау тетіктерін түсіндіру және ауыл шаруашылығы саласындағы өзекті мәселелерді талқылау.
Іс-шара барысында қатысушыларға келесі бағыттар бойынша ақпарат берілді:
Жоба шеңберіндегі семинар-тренингтерге М. Әуезов атындағы Оңтүстік Қазақстан зерттеу университетінің білікті мамандары тартылды.
Ғылыми және тәжірибелік бағыттағы кәсіби қолдау кооперативтердің заманауи агротехнологияларды меңгеруіне, өндірістік процестерді тиімді ұйымдастыруына және басқару сапасын арттыруына ықпал етеді.
Ауыл шаруашылығы кооперативтерінің тұрақты дамуына бағытталған жұмыс
Түркістан облысының ауыл шаруашылығы басқармасының тапсырысы бойынша жүзеге асырылып жатқан агросүйемелдеу қызметтері кооперативтерге жан-жақты қолдау көрсетуді көздейді.
Жоба аясында ауыл шаруашылығы өндірістік кооперативтерінің ағымдағы қызметіне талдау жүргізу, даму жоспарларын әзірлеу, қаржылық және өндірістік көрсеткіштеріне мониторинг жасау, сондай-ақ анықталған мәселелер бойынша практикалық ұсынымдар беру қарастырылған.
Түркістан және Сарыағаш қалаларында өткізілген семинар-тренингтер кооператив басшылары мен мүшелеріне жобаның мүмкіндіктерін таныстыруға, кәсіби мамандармен байланыс орнатуға және алдағы бірлескен жұмыстардың бағыттарын айқындауға мүмкіндік берді.
«Ауыл аманаты» жобасы аясындағы бұл бастама Түркістан облысының аграрлық секторын дамытуға, ауыл шаруашылығы кооперативтерінің тиімділігін арттыруға және ауылдық жерлердегі кәсіпкерлікті қолдауға бағытталған.
.webp)
