Интернет-алаяқтыққа қатысы бар 13 Қытай азаматы елден шығарылды. Оларды ұлттық қауіпсіздік комитеті заңсыз көші-қонға қарсы күрес аясында құрықтады. Тексеру барысында шетелдіктердің Қазақстанда халықаралық интернет-алаяқтықтың жасырын схемасын ұйымдастырғаны анықталды. Олардан компьютерлік техника, ұялы телефондар, «Starlink» спутниктік интернет жабдықтары, сондай-ақ криптоәмияндарда сақталған қаражат табылды. Тергеу жұмыстары Қытай Халық Республикасының қоғамдық қауіпсіздік министрлігімен бірлесіп жүргізілді. Нәтижесінде құрықталғандардың көбі өз елінде де алаяқтық жасағаны үшін іздеуде жүргені белгілі болды.
.webp)
