Түркістан облысында биыл егін бітік шықты. Мамандардың айтуынша, көктем мен жаз айларындағы ауа райының қолайлылығы мен жауын-шашынның молдығы егіннің жақсы өсуіне оң әсер еткен. Соның нәтижесінде облыс диқандары мол өнім алып, шаруалардың еңбегі ақталып отыр. Биыл әсіресе жоңышқа, бидай және ерте пісетін көкөніс дақылдарының шығымдылығы жоғары болған.
