Мемлекет басшысы «Қазақстан темір жолы» ұлттық компаниясы басқарма төрағасы Талғат Алдыбергеновті қабылдады. Кездесуде Президентке компанияның биылғы бірінші жартыжылдықтағы нәтижелері мен инфрақұрылымдық жобалар таныстырылды. Сондай-ақ, жүк айналымының 8,6%-ға артқанын, транзит тасымалы көлемінің 14,6 млн тоннаға жеткендігі айтылды. Сондай-ақ Қасым-Жомарт Тоқаев бүгін Солтүстік Қазақстан облысының әкімі Ғауез Нұрмұхамбетовты қабылдады. Әкім облыстағы майлы және мал азығы дақылдарын егу барысынан есеп берді. Айтуынша, тұқым жаңарту деңгейі биыл ұлғайып, 11,2%-ға жеткен. Жалпы биыл Солтүстік өңірдің әлеуметтік-экономикалық дамуында айтарлықтай өсім бар. 46 ауылдық медициналық нысан жаңғыртылып, білікті дәрігерлер тарту бойынша жүйелі жұмыс жүргізіліп жатса керек.
