Түркістанға Түркі әлемінің парламенттер қорының өкілдері келді. Бір топ делегация өңірдің туристік әлеуетімен танысып, ақпараттық турға қатысады. Қала қонақтары «Отырар» қалашығы, Арыстанбаб, Ясауи кесенелері сынды мәдени-тарихи орындарға барып, тәу етпек. Осылайша өңіріміздегі тарихи-мәдени, туристік нысандарды аралап, рухани астананың жаңа келбетімен танысады. Іс-сапардың негізгі мақсаты туыстас қауымдастықтар арасындағы әлеуметтік, мәдени, саяси және экономикалық ынтымақтастықты кеңейту, - дейді қор төрағасы Абдуллах Чалышкан.
️
