Тағы бір қаржы пирамидасының жолы кесілді. Қаржы мониторингі агенттігінің хабарлауынша алаяқтықпен айналысқан "Иннова Голд" интернет дүкенінің ұйымдастырушысы тұтқындалған. Күдіктілер тұрғындарға күмәнді жобаларға қаржы салып, өзімен бірге тағы адамдарды әкелсе, бонус беруге уәде берген. Азаматтардың салымдары сайттарда көрсетіліп тұр. Алайда интернет порталды пайдаланушылар іс жүзінде тиісті қаражаттарын ала алмаған. Салымшылардың саны 1300 адам. Қазірде қаржы пирамидасының қызметінен келген шығын анықталып жатыр екен.
️
