Ұлы Абай бейнесі – жасанды интеллект көзімен. Жетісу облысында Абай Құнанбайұлының 180 жылдығына орай жасанды интеллект көмегімен мурал салынды. Жаңа туынды Текелі қаласындағы көп қабатты тұрғын үйлердің біріне бейнеленді. Оны суретшілер небәрі 1 сағат ішінде салып шықты. Ал, муралдың ашылуында ақын өлеңдерін көркем оқу сайысы ұйымдастырылды. Жергілікті жастарды осындай іске ұйымдастырушы Шамиль Ванкеевтің айтуынша жыл соңына дейін Талдықорғанда екі мурал салу жоспарланып отыр екен. Оның бірі ұлтымыздың тағы бір ағартушысы Шоқан Уәлихановтың 190 жылдығына арналмақ.
