Қазақстанда некені бұзу тәртібіне жаңа негіз қосылды. Бұдан былай жұбайлардың бірі үш жылдан астам уақыт халықаралық іздеуде жүрген жағдайда, екінші тарап некені оның қатысуынсыз сот арқылы бұза алады. Бұған дейін мұндай мүмкіндік тек жұбайы хабар-ошарсыз кеткенде, әрекетке қабілетсіз деп танылғанда немесе сотталған жағдайда ғана болған. 2024 жылы елде 40,5 мың ажырасу тіркеліп, оның 74,4%-ы қалалық, 25,6%-ы ауылдық жерлерде болған. Ажырасудың ең жоғары деңгейі Шығыс Қазақстан, Қарағанды және Павлодар облыстарында, ал ең төмен деңгейі Түркістан облысында тіркелген. Ажырасқандардың 35%-ы – 1-4 жыл некеде тұрғандар, 25%-ы – 5-9 жыл, 8%-ы – бір жыл ішінде ажырасқан. + графика
