https://turkistan.tv/news/feed «Turkistan» телеарнасы kk https://turkistan.tv/kz/news/7326 https://turkistan.tv/kz/news/7326 Mon, 22 Jun 2026 11:28:45 +0500 Бюджет қаражатын тиімді игеру. Қаржылық ашықтық. Тексеру комиссиясының басты міндеті. Биыл дәл осы ұйымның құрылғанына 15 жыл. Осы аралықта жергілікті жердегі қаржылық тәртіптің іргетасына айналды. Соңғы 6 жылда қаржы саласында 1,5 трлн теңгені қамтыған бұзушылық анықталған. Оның 1,1 млрд теңгесі бюджет кірісіне өтелген. Сондай ақ, 2 мыңға жуық лауазымды тұлға тәртіптік, мыңға жуық азамат әкімшілік жауапкершілікке тартылған. Оларға 200 млн теңгеден астам айыппұл салынып, бюджет кірісіне түскен. Мерейтой аясында, дәл осы салада еңбек еткен азаматтар ескерусіз қалмады. Оларға «Тексеру комиссиясының құрылғанына – 15 жыл» мерекелік төсбелгісі табысталды.  Новости о деятельности https://turkistan.tv/kz/news/7325 https://turkistan.tv/kz/news/7325 Mon, 22 Jun 2026 11:27:17 +0500 Қазақ домбырасын серік етіп, ұлттық өнерді ұлықтауға жарты ғасыр ғұмырын арнаған Татьяна Бурмистрованың шығармашылық кеші өтті. Өнерсүйер қауым бас қосқан салтанатта әнші-домбырашының сан жылдық еңбегі еленіп, көрерменнің сүйікті әндері тарту етілді.  Новости о деятельности https://turkistan.tv/kz/news/7324 https://turkistan.tv/kz/news/7324 Mon, 22 Jun 2026 11:24:08 +0500 Түркістан тек рухани астана ғана емес, бүгінде халықаралық ірі спорттық және мәдени іс-шаралардың орталығына айналып келеді. Облыс мәртебесін алған 8 жыл ішінде өңірдің инфрақұрылымы мейілінше жетілді. Бос жатқан байтақ  далада  әлемдік стандарттарға сай нысандар бой көтеріді . Бұл тек құрылыс қана емес, бұл жаңа дәуірдің тынысы. Қазір өңірге миллиартаған инвестиция құйылуда. Новости о деятельности https://turkistan.tv/kz/news/7323 https://turkistan.tv/kz/news/7323 Mon, 22 Jun 2026 11:22:45 +0500 Түркістанда Бұқаралық ақпарат құралдарының кәсіби мерекесі қарсаңында журналистер арасында спартакиада өтті. Жарысқа сегіз команда қатысты. Төрт спорт түрінен өткен тартысты бәсекеде тілші қауымы ептілік пен шеберліктерін ортаға салды.    Новости о деятельности https://turkistan.tv/kz/news/7322 https://turkistan.tv/kz/news/7322 Mon, 22 Jun 2026 11:19:20 +0500 Мемлекет басшысы Қасым-Жомарт Тоқаевтың шақыруымен Қазақстанға алғаш рет ресми сапармен Черногория Президенті Яков Милатович келді. Ақордада өткен салтанатты қарсы алу рәсімінен кейін тараптар шағын құрамда келіссөз жүргізді. Келіссөздер қорытындысында тараптар дипломатиялық байланыстардың 20 жылдығын атап өтіп, сауда көлемін ұлғайту, көлік-логистика, ауыл шаруашылығы, цифрландыру, туризм, жоғары білім және ғылым салаларындағы серіктестікті дамытуға уағдаласты. Сондай-ақ халықаралық және өңірлік күн тәртібіндегі өзекті мәселелер талқыланып, кездесу соңында Қасым-Жомарт Тоқаев пен Яков Милатович Бірлескен мәлімдеме қабылдады. Новости о деятельности https://turkistan.tv/kz/news/7321 https://turkistan.tv/kz/news/7321 Thu, 18 Jun 2026 09:56:28 +0500 Дүниежүзілік денсаулық сақтау ұйымының мәліметінше, әлемде вакцинация жыл сайын миллиондаған адамның өмірін сақтап қалады. Соған қарамастан, екпеге күмәнмен қарайтындардың қатары азаймай тұр. Елімізде  биылдың өзінде 25 мыңнан аса азамат вакцинадан  өз еркімен бас тартыпты. Бұл соңғы тоғыз жылдағы ең жоғары көрсеткіш. Жұрттың жаппай екпеден қашуына не себеп? Әріптесім Шұғыла Ғалиқызы зерттеп көрді.  Новости о деятельности https://turkistan.tv/kz/news/7320 https://turkistan.tv/kz/news/7320 Thu, 18 Jun 2026 09:55:02 +0500 Қазақстан жасанды интеллект пен цифрлық технологиялар саласына 10 миллиард доллар халықаралық инвестиция тартып, шетелдік іскер топтар үшін мүлдем жаңа визалық режим енгізеді. Ташкентте өткен халықаралық инвестициялық форумда мәлім болған бұл маңызды бастаманы Премьер-министр Олжас Бектенов жеткізді. Алқалы жиын аясында Үкімет басшысы Өзбекстан Президенті Шавкат Мирзиёевтің қабылдауында болып, қос ел арасындағы көлік-логистика, энергетика және өнеркәсіп кооперациясын тереңдету мәселелерін талқылады. Бүгінде бауырлас мемлекеттер арасындағы сауда-саттық байланысы да өте қарқынды. Өткен жылы тауар айналымы 16 пайыздан астамға артып, 4 миллиард 800 миллион долларды құраса, биылғы жылдың алғашқы төрт айында бірден 42 пайызға өсіп, 1 миллиард 900 миллион долларға жеткен. Форум барысында Қазақстан тарапы бұл көрсеткішті алдағы уақытта еселей түсуге мүмкіндік беретін жаңа цифрлық жобаларын шетелдік серіктестерге таныстырды.   Новости о деятельности https://turkistan.tv/kz/news/7319 https://turkistan.tv/kz/news/7319 Thu, 18 Jun 2026 09:53:02 +0500 Еліміздегі алып сауда үйлері мен ірі ойын-сауық орталықтары үлкен дағдарыстың алдында тұр. Мәжіліс депутаттары осылай деп дабыл қақты. Халық қалаулыларының сөзінше, бұл мәселенің тамыры тек салық жүктемесінде ғана емес. Қазір бүкіл әлемде қарқын алған онлайн-сауда мен халықтың сатып алу қабілетінің өзгерген. Дегенмен, бұл алаңдаушылыққа қарама-қарсы ресми статистика да бар. Елімізде сауда орталықтарының саны бір жылда бір жарым есеге, ал осы салаға бағытталған инвестиция көлемі 75 пайыздан астамға артқан. Демек, нарықтағы бәсеке әлі де жоғары. Ендігі мәселе — алып орталықтардың жаңа заман талабына бейімделе алуында. Депутаттардың пайымдауынша, бұл нысандардың банкротқа ұшырамауы үшін мемлекет тарапынан жүйелі қолдау қажет. Новости о деятельности https://turkistan.tv/kz/news/7318 https://turkistan.tv/kz/news/7318 Tue, 16 Jun 2026 23:07:30 +0500 Ел намысын қорғауға дайын жас сарбаздар халықаралық дода алдында қызу дайындық үстінде. Биыл Ақмола облысының Щучинск қаласында өтетін дәстүрлі «Айбын-2026» әскери-патриоттық жастар жиынына 53 команда қатысады. Ауқымды додаға Қазақстанның барлық өңірінен іріктелген жасөспірімдермен қатар, шетелдік командалар да бақ сынамақ. Қатысушылардың бірі Сағынтай Сағынбек өткен жылғы жеңісінен кейін биыл да үлкен үмітпен келгенін айтады. Новости о деятельности https://turkistan.tv/kz/news/7317 https://turkistan.tv/kz/news/7317 Tue, 16 Jun 2026 23:05:45 +0500 Премьер-министр Олжас Бектенов Үкімет отырысында жаңадан салынған теміржол желілерін биыл іске қосуды тапсырды. Оған қоса,  инфрақұрылымды дамытудың келесі кезеңіне дайындалу қажеттігін айтты. Тіпті, қаржыландыру көзін беліглеп, техникалық құжаттаманы әзірлеуге дереу кірісу керек деді. Бұл еліміздің Еуразия кеңсітігінде көлік-логистикалық хабқа айналуына мүмкіндік бермек. Осының арқасында 2040 жылға қарай шойынжол арқылы тасымалданатын транзиттік жүктер 100 млн тоннаға жуықтамақ. Үкімет басшысы әсіресе Президенттің тікелей тапсырмасы бойынша жүзеге асып жатқан «Дарбаза-Мақтаарал», «Мойынты-Қызылжар» желілерін аяқтау керектігін жеткізді.  Новости о деятельности https://turkistan.tv/kz/news/7316 https://turkistan.tv/kz/news/7316 Tue, 16 Jun 2026 22:31:46 +0500 Түркістан облысында кәсіпкерлікті қолдау мақсатында 377 бизнес-жобаға қолдау көрсетіліп жатыр. Олардың жалпы құны 58 млрд теңгеден асады. Барлық кәсіпкерлік нысан іске асқан жағдайда 3 мыңнан аса жұмыс орыны ашылмақ. Жыл басталғалы бұл жобалардың 78-і іске қосылған. Кәсіпкерлік саласына 9 жарым млрд теңге инвестиция тартылған. Саладағы өзекті мәселелерді талқылаған жиында облыс әкімі Нұралхан Көшеров инвестиция тарту қарқынын ілгерілетуді тапсырды. Новости о деятельности https://turkistan.tv/kz/news/7315 https://turkistan.tv/kz/news/7315 Tue, 16 Jun 2026 22:28:58 +0500 Елімізде енді көлігін  арзымайтын ақшаға сатып алдым деп құжат  рәсімдейтін азаматтарға бақылау күшейтілмек. Себебі кейбіреулер салықтан жалтару мақсатында келісімшартта көліктің нарқын әдейі төмендетіп көрсетеді. Алайда мұндай әрекеттің салдары сатып алушыға кесірін тигізіп, кейін мемлекетке қомақты салық төлеу секілді қиындықтар тудыруы мүмкін. Тақырыпты әріптесім тарқатып айтады. Новости о деятельности https://turkistan.tv/kz/news/7314 https://turkistan.tv/kz/news/7314 Tue, 16 Jun 2026 22:27:36 +0500 Мемлекет басшысы АҚШ Қаржы корпорациясының халықаралық даму жөніндегі атқарушы директоры Бен Блэкті қабылдады. Кездесуде аса маңызды минералдар, өзара көлік байланысы, агроөнеркәсіп кешені, цифрландыру және жасанды интеллект салаларындағы ынтымақтастықтың болашағы талқыланды.  Сонымен бірге Қазақстанда АҚШ Қаржы корпорациясының халықаралық даму жөніндегі тұрақты өкілдігін ашу мәселесі қаралды. Мемлекет басшысының айтуынша,Дональд Трамп  Ақ үй әкімшілігіне келгеннен бастап Вашингтон Астанамен және Орталық Азия аймағымен ықпалдастықты айтарлықтай жандандыра түскен.  Өз кезегінде Бен Блэк қонақжайлық көрсеткені үшін Мемлекет басшысына алғыс айтып, Алматыда Қазақстанның іскерлік қауымдастығымен өте нәтижелі әрі мазмұнды кездесу өткеніне тоқталды. Новости о деятельности https://turkistan.tv/kz/news/7313 https://turkistan.tv/kz/news/7313 Tue, 16 Jun 2026 22:26:02 +0500 Қызылордадағы ойын-сауық саябағында оқыс оқиға болып, жасөспірім бала ауыр жарақаттанды. Әлеуметтік желіде тараған мәліметке сәйкес, аттракционда кәмелетке толмаған бала екі аяғынан айырылып, көп мөлшерде қан жоғалтқан. Жедел жәрдем жеткен бойда зардап шегуші ауруханаға жеткізілді. Оқыс оқиғадан кейін құқық қорғау органдары іске кірісті. Тәртіп сақшылары еңбекті қорғау ережелерін бұзу дерегі бойынша қылмыстық іс қозғап, саябақтағы қауіпсіздік талаптарының қаншалықты сақталғанын тексеріп жатыр. Арнайы тағайындалған сараптамалардан кейін кінәлілер анықталады. Новости о деятельности https://turkistan.tv/kz/news/7312 https://turkistan.tv/kz/news/7312 Tue, 16 Jun 2026 22:24:22 +0500 Қазақстан бүкіл Еуразия құрлығындағы ең ірі цифрлық хабқа айналады. Үкімет американдық «Firebird» және компьютерлік чиптер шығаратын әлемдегі ең танымал «NVIDIA» компанияларымен құны 10 миллиард доллар болатын келісімшартқа қол қойды. Бұл қаржы Екібастұз қаласында жаңа үлгідегі алып деректер қоймасын, яғни заманауи компьютерлік орталық салуға жұмсалады. Онда дүниежүзіндегі ең соңғы үлгідегі 100 мыңнан астам қуатты суперчип орнатылмақ. Мамандардың айтуынша, бұл кешен 2027 жылы іске қосылғанда елімізді технология бойынша әлемдегі ең озық 10 мемлекеттің қатарына қосады. Ең бастысы,  жоба отандық жас мамандарды жұмыспен қамтымақ. Ал мемлекет қазынасына жыл сайын 3 миллиард долларға жуық таза табыс әкеледі деп күтілуде. Новости о деятельности https://turkistan.tv/kz/news/7311 https://turkistan.tv/kz/news/7311 Fri, 12 Jun 2026 10:18:37 +0500 Бүгінде Түркістан облысында Қытай капиталының қатысуымен жалпы құны 148 млрд теңге болатын 17 инвестициялық жоба жүзеге асырылуда. Бұл туралы өңір басшысы Нұралхан Көшеров Қытай Халық Республикасына жұмыс сапары аясында Хубэй провинциясы губернаторы Ли Дяньсюньмен ресми кездесуінде мәлімдеді. Тараптар инвестиция тарту, сауда-экономикалық байланысты кеңейту және бірлескен жобаларды жүзеге асыру мәселелерін талқылады. Кездесу соңында, екі жақты байланысты жаңа деңгейге көтеруге және халықаралық сауда әлеуетін арттыруға дайын екендерін жеткізді. Айта кетейік, Түркістан облысы мен Хубэй провинциясы арасындағы бауырластық қарым-қатынас туралы келісімге 2024 жылы қол қойылған болатын. Кейін Астанада өткен Орталық Азия – Қытай саммиті аясында бұл келісім ресми түрде бекітіліп, өңіраралық ынтымақтастық жөніндегі жол картасы қабылданды. Новости о деятельности https://turkistan.tv/kz/news/7310 https://turkistan.tv/kz/news/7310 Fri, 12 Jun 2026 10:16:01 +0500 Шардара ауданында халықты сапалы ауызсумен қамтуға бағытталған ірі жоба жүзеге асырылып жатыр. Қазіргі таңда «Тама–Тастанбек» жерасты су көзінен су тарту жұмыстары аяқталуға жақын. Тақырыпты әріптесім Бекболат Тілеуберген тарқата айтады.Жоба аясында ауқымды құрылыс жұмыстары жүргізілді. Нақтырақ айтқанда, 40 шақырымнан астам магистральды су құбыры тартылып, 14  ұңғыма қазылған. Сонымен қатар су жинақтайтын мұнаралар мен сорғы станцияларының құрылысы аяқталды. Қазіргі таңда жерасты суы қала маңындағы екі ірі су жинақтау нысанына жеткізіліп, жүйені іске қосу алдындағы соңғы техникалық жұмыстар жүргізілуде. Мамандардың айтуынша, жоспарланған жұмыстың 90 пайызы орындалып біткен.  Новости о деятельности https://turkistan.tv/kz/news/7309 https://turkistan.tv/kz/news/7309 Fri, 12 Jun 2026 10:14:34 +0500 3 ел, 16 қала, 104 матч: Бүгін футбол тарихындағы ең ірі мундиаль басталады. Төрткүл дүние көз тіккен футболдан 23-ші әлем чемпионаты АҚШ, Канада, Мексиканың 16 қаласында өтеді. Турнирдің алғашқы ойыны Мексика мен Оңтүстік Африка Республикасы арасында өтеді. Бір айта кетерлігі, ала доптың әлемдің бәсекесіне  қатысушы елдер саны бұл жолы 48-ге көбейді. Олар 12 топқа бөлініп, үздіктері плей-офф кезеңіне жолдама алады.    Новости о деятельности https://turkistan.tv/kz/news/7308 https://turkistan.tv/kz/news/7308 Fri, 12 Jun 2026 10:12:44 +0500 Қазақстанның Жалпы ішкі өнімі алғаш рет 300 миллиард доллардан асты. Бұл көрсеткіш былтырғы жылдағыдан  6 жарым пайызға көп. Бұл туралы Премьер-министр Олжас Бектенов халықаралық тау-кен металлургия конгресінде мәлімдеді. Жиынға әлемнің 16 елінен 1 жарым мыңнан астам делегаттың жиналуы да тегін емес. Өйткені бүгінде отандық өнімдер әлемнің 127 еліне экспортталады. Сондықтан мемлекет алдағы 3 жылда жаңа кен орындарын ашып, геологияны зерттеуге қазынадан 470 миллион доллар құймақ. Бұл соңғы жиырма жылдағы ең ірі қаржылық салым. Басты мақсат шикізатты жай ғана шетелге сату емес, ел ішінде дайын өнім шығару. Капитал тартып қана қоймай, АҚШ, Қытай, Еуропалық Одақ, Жапония секілді алпауыттармен бірлесіп, сирек кездесетін минералдарды өңдейтін жаһандық орталыққа айналу.  Новости о деятельности https://turkistan.tv/kz/news/7307 https://turkistan.tv/kz/news/7307 Wed, 10 Jun 2026 20:28:08 +0500 Әлеуметтік желі – бүгінгі қоғамның ажырамас бөлігіне айналды. Алайда оның пайдасымен қатар қауіп-қатері де аз емес. Сондықтан балалардың интернеттегі қауіпсіздігін қамтамасыз ету мәселесі күн тәртібінен түспей тұр. Егер жаңа талап күшіне енсе, 16 жасқа толмаған жасөспірімдердің әлеуметтік желілерге қолжетімділігі едәуір шектелмек. Бұл бастама балаларды зиянды контенттен қорғауға бағытталғанымен, оның тиімділігі мен жүзеге асу тетіктері әлі де қоғам талқысына түсері анық.Бұдан былай 16 жасқа толмағандар бұрыңғыдай интернет пен әлеуметтік желілерге мүлде кіре алмауы мүмкін. Бастамашылар  пайдаланушылардың нақты жасын анықтайтын арнайы тетіктерді әзірлеген. Тіпті, талапты бұзғандарды  жауапкершіліке тарту  қарастырылып отыр.  Новости о деятельности